Traum über SBB-Agstellti

Also. Ich bin an irgendme Bahnhof gsi. Han mer im Schaltergebäude wohl irgend e Fahrplan welle hole oder so, uf jedefall hani ine müesse.

Denn stoht det zwüsche Schalter und Türe e jungi Mueter mit ihrem 8 Jährige chind und n SBB-Agstellte. Die stönd natürli grad so, das mer det ned einfach so durechan.

Naja, die zwei unterhalte sich grad über irgend e Fahrtarif:
"Ja mit de Züg am Sunntig chönnd si schlofe..."
"Hmm..."

Ich probier unterdesse mitme schüche "Schuldigung" hinterem SBB-Agstellte durezlauffe.... De Bewegt sich aber kein Wank... ich entscheid mi für di ander Richtig und wott hinter dr Mueter dure... die macht au Platz, während si mitem SBB-Agstellte folgendi Wort wächslet:

"Sind denn all chind wo mitchömme i dem Alter?"
"Ja klar, susch isch ja ned günstiger..."
"Hehe, ja logisch!", seit de SBB-Agstellti, chlopft mir ufd Schultere und meint: "Er do kriegts nüm Günstiger. Defür nie ohni Kondom gäll.(De Teil hani au ned ganz cheggt...)"

Ich chlopfem fründschaftlich ufe Buch und lohn es sarkastischs "Jo voll *fettesgrinse*" loh gheie...

Schwere Fehler...

De SBB-Agstellti: "Also sie sind ja unglaublich Fräch! Was erlaubet sie sich? Wüssed si was? Ich gang grad de Polizei go säge si selled sie us dem Gebäude entferne. Und denn blibed si au dusse gälled si!"

Er stolziert use, schliesst bim usego d Schiebetüre ab, und ich bin mit dr junge Mueter igsperrt gsi.

Ich natürli voll am verzwifle gsi: "Hani mi ächt so unfründlich verhalte??"

Si schwigt.

De Wecker schälled...

Naja, i hoff de Traum spricht eu zue :D