Alkoholpause reloaded

Sooo, s isch wedermol sowit, de Dröli trinkt ei monet mal weder kei Alkhohol... De Grund? Samstig:

Also, am morge hämmer Maturufsatz gha... bini det ane, gschribe, denoch is Federal. Bin also quasi so ca. abem 1 am Nomitag bsoffe gsi. Zobe hett denn de Yannick no Geburtstag gfiiret... Ich bin dete mitme Rote Vodka ane... denn hetts no schämpis und bier geh.... hmtja det hani denn:

- Chli Stress mitme Jugo gha (Ich han so toh als wäri sin kolleg und hanem voll muetgmacht zum fraueamache, und hami denn eifach verpisst... hettem ned so gfalle)
- 2 Fraue/Meitli, (weiss nüm so klar wie die usgseh händ) agmacht (isch nedma so schlächt gsi, i mein ha sicher e halb stund mit dene gschnurrt...)
- 3 Pack Parisienne Jaune für 11 Franke boschtet (also all 3 zäme für 11)

Naja, denn chunnt irgendwenn ma das grosse schwarze Loch... i dänke aber dasi so uf die halb 12i ufe Zug bin (Wers gnauer weiss, bitte comment :D)

Uf jedefall bini so uf die halb 5i z Basel ufgwacht... denn in Zug richtig hei. Woni denn z Brugg ufgwacht bin, hani entschide, dasi gradsoguet chan z Züri go cheere... Also uf Züri, in Avec, Saft und Milch undn IceTea gchauft.. denn in Zug und hei. Bin ca. am halb 8ti dihei gsi... also 8h heiweg? :S

Naja... ebe... ei Monet mal weder Pause =)

Evtl. Usnahm: Hochzit vom Cousin... det isch mer eh saulangwilig :D

Edit: Wasi no vergässe han: Mis alte Handy, bzw. min Mp3 Player hani au verlore -.-