Chopfhörer Teil 2

Ich weiss jo ned... oke:

Also, ich mini neue chopfhörer (also ohrstöpsel) im Suff verlore da Weekend.... de dänki mer so... easy, gosch hüt morge rasch an kiosk go neuii poste...

Frick Bahnhof: Händ keini... Oke, isch au ned sone grosse Kiosk... händ au nur Zitschrifte und Süesskram...

Kiosk HB: Dasch gopferdammi de grössti huere Kiosk am ganze HB, es hett es uh huere Regal mit chettene Hoorspange Ohrering... So H&M Modeschmuck kram halt... nur sogar no grösser als imne normale H&M... Ich dänk mir: Ja, die händ doch eh chopfhörer... tja, nüt gsi... nur de scheiss, debi... ma ehrlich gfröget... wer goht spontan mol am kiosk e chetti go poschte und wer spontan mal chopfhörer weil sini e waggel hän?

Dumms gschäftsprinzip wo die händ... Ich bin gege chopfhörer Diskriminierig, und FÜR d integration vo chopfhörer in alli Kiösk vode Schwiz!

Verdammti terroriste die Kioskbetriber, mit ihrne überrissene Priise undem ned zfridestellende Agebot :(