Ihr sind alli schlächt!

Alli wo de Blog läse (und zuegegebenermasse au ich) sind doch eifach bääh. Ich find kei Wort um das z beschriebe wo mir alli sind!!!

Grund:
Min Counter lauft sit em 12.06.2006. Hüt isch dr 18.06.2007. Fallt eu öppis uf? MIR HÄND DE GEBURTSTAG VOM BLOG VERGÄSSE!!!!

Naja, liebe liebe Blog, nachträglich alles alles gueti zum Geburtstag... s tuet mer so mega leid dasi din Geburtstag vergässe han... du hesch mer immer troi dient (usser i dene Zite wo zickt hesch -.-) und und und... hach... ich fühl mi so schlächt... weisch wa liebe Blog? Als gegeleistig defsch hüt Nacht im Bett alles mit mir mache wod willsch *rrr* Was meinsch? Du bestohsch nur us HTML Code und chasch ned mit mir is Bett? Jo aber aber... ich mueses doch irgendwie guet mache... Wie wärs mitme neue Design? Ned? Oke... ich mag "das kleine Schwarze" au so sehr an dir *harr* - Oke, jetzt hanis! I gang jo am 29igste ans Openair St.Galle! Ich nimm e Spraydose mit und schrib dini göttlichi URL an mini Zältwand! Isch da ned en Vorschlag? Oke, schön =) Ich bring der denn au es föteli als Bewies!

So, und nach dem chline Sälbstgspröch afall stohts wohl au Fescht :D Sorry leutz, die Werbeflächi isch vermietet :D

Happy Bday Drölis Darkroom (nachträglich)

(Mir würde eus über Glückwunsch comments freue ;))