Kapo Züri

Update zur Story unde:

Ich chum hei und mini Eltere grad: Was hesch gmacht???

Er hett au bi mir dihei aglütte... und do hetter au d Nummere vo mir bicho... Aber de Eltere hetter verzellt i heb was gchlaut und d Nummere isch au unterdrückt gsi -.-

Naja, i gang de eifach mol go luege am Dunnstig... Ma gugge obi de cha Azeige :P

---

Uiuiui... hüt hett mer irgend sone wichser e rächte Schreck igjagt :P

Also ich stand so Seeleruhig vorem Drucker und wott drucke, da schälled s Telifon.

Unbekannti Nummere:

• Kantonspolizei Züri sind si de Sandro Bollschwiler?
• Jo (denkt: Kapo? Wtf?) was isch los?
• Also, mer händ si ufere Überwachigsufnahm gfilmet und indentifiziert und jetz wämmer si vorlade.
• Aaaha?
• Jo. Händ si morn Zit?
• Ähm nei, de bini z Davos glaub... (bin zwar in Laax aber isch alles s gliche :P)
• Aha okay, demfall am Dunnstig?
• Öhm jo, isch das en Amtstermin, chani da im Gschäft freineh?
• (kurze Pause) Äh jo.
• Ah jo demfall gohts.
• Jo guet demfall am 3 direkt bide Kantonspolizei. Das isch grad nebem HB.
• Jaa, det bini au scho gsi... Aber derfi no froge wo das das sell gsi si wo si mich gfilmt händ?
• Ja das erfahred si denn alles dete. Demfall chömed si am Dunnstig? Mer chönneds eso mache, aber es goht au andersch. Aber s isch besser für si wemmers so mached.
• Jo ich chume... Ähm zu wem mueni denn?
• Froget si eifach nochem Herr Frey.
• Herr Frey? Okay...
• Guet demfall schöne Tag no
• Ja, adieu.

Also s muess öpper gsi si, wo mich kennt oder öpper wo ide sunrise schafft. Weil die Nummere stoht ned im Telifonbuech, sondern nur im Intranet.

So und de wo au immer das gsi isch: Bisch doch es Arschloch!